Insere Gschicht

- und wia olls ungfongen hot

"Damals im Studium hätten wir niemals gedacht, dass aus unserem Studentenprojekt ein Startup wird"

Adrian, Mitgründer von Airpaq

Man nehme...

…a 100 Johr olte Nahnmaschin, Autoobfoll va an nohe gelegenen Schrottplotz, viel Geduld, zwoa guate Kollegn und schofft draus eppas Groaßortigs. Adrian und Michael ezähln, wia Airpaq's Erfolgsgschicht im Johr 2015 ongfongen hot.

"Unser Ziel ist es, Produkte zu entwickeln, die unsere Kunden ökologisch, ethisch und ästhetisch überzeugen."

Michael, Mitgründer von Airpaq

2015

Rickblick aufn Onfong

Insere Gschicht startet im Septembr 2015, als mir aus Zuafoll ins gleiche Apartment in Rotterdam gezogn sein, um insern Master 'Strategic Entreprenuership' za startn.

Mir hobn ins af Onhieb supr verstonden und ins a glei als Team fir di im erstn Kurs ongstondenen Gruppnorbeit zommgetun. Die Aufgob wor, sich a Recycling-Projekt za iberlegn. Also sein mor af a Schrottplotz gongen, um Inspiration za sommeln. Während mor durch's Labyrinth von gstapltn Autos gschlendert sein, sein ins viele Ideen kemmen: Man kannt Sessel aus Lkw-Roafn mochn odr Zylinderköpf za Kerznständr verorbeitn.
Donn obr hobn mr an Airbag entdeckt und worn glei begeistert von dr Haptik vam hoachwertign Material. "Draus an Rucksock herstelln", hobn mr ins gedenkt und die Idee fa Airpaq wor geborn.

"Neben der persönlichen Erfüllung, die wir durch unser Unternehmen erlangen, hoffen wir, einen Teil zu einem nachhaltigen Bewusstsein in der Modewelt beizutragen."

Adrian, Mitgründer von Airpaq

Bluatige Fingr und viel glernt

Mir hobn in Schrottplotz verlossn und hobn fir ocht Euro an Airbag, Sitzgurte, und ondre Materialien aus an oltn Kloanwogn mitgnummen. No am selbn Tog hobn mr mitn nahnen ungfongen, a wenn koaner va ins je za vor gnahnt hot. Mir hobns gschofft an Prototyp za erstelln, den mr am nägstn Tog insern Kommilitonen präsentiert hobn. Mir worn stolz af inser Ergebnis und die iberaus positivn Reaktionen va di ondorn Studentn befligelte ins so brutal, dass mir nimmer va dr Idee olossen gekinnt hobn. Kurz drauf hobn mr inser erstes Investment getätigt: A 100 Johr olte Singer-Hondnahnmaschin, de mir in an Zwoaterhondloden fir 10 Euro gekaft hobn. A in dr weitern Zeit va insern Master hobn mr unzählig viele Stunden an insrer treun Singer-Nahnmaschin verbrocht, und hoben inser Projekt in zohlreichn Kurse weiter nutzen und verbessrn kennen. Des hot ins wichtigs Feedback va Kommilitonen und Professoren und so moncha hilreiche Kontakte gebn. Noch a volle lehrreichn und intensivn Johr, hobn mr in Rotterdam somit net lei an Master obgschlossen, sondrn a mit an guaten Fundament fir an Start in die Selbstständigkeit.

"Wir hoffen wirklich, mit unserem Produkt etwas entwickelt zu haben, das unsere Kunden in seiner Gesamtheit überzeugt. 
Für uns ist es viel mehr als nur ein Rucksack."

Michael, Mitgründer von Airpaq

2016

Nochn Obschluss

Nochm Einreichn inserer Masterorbeit wolltn mir koane Zeit verliern und hobn sofort weitr gmocht mit dr Orbeit an inserm Projekt. Es hot no viel za tian gebn, um Airpaq aufn Morkt za bringen. Mir hobn gmiast a offiziells Unternemmen gründen, verlässliche Quelln fir insere Materialien suachen, die Prototypen finalisieren und professionalisieren, an erfohrenen und passendn Produktionspartnor findn, a Webseit erstelln, Content schoffen. Kurz gsog, die Liste wor endlos. A wenn monche Aufgobn schwaror worn als erwortet und net ollm olls wia am Schnirchen gloffn isch, hots ins insgesomt unfossbor viel Spaß gmocht. Mir hoffn mit inserm kloanen Unternemmen, wenigstns an kloanen Toal firn Umweltschutz beizutrogn und vielleicht a nochholtigs Bewusstsein in dr Modelwelt za fördern. Mir mechtn mit insrer Idee und Produkten a ondere so begeistern, wia mir's sein. Fir ins isch es viel meahr als lei a Rucksock.

2017

Kampagne in Rekordzeit

Um inser nochholitgs Startup za gründen, hobn mir die Unterstützung va vieln Leit gebraucht, Leit de va inserer Idee iberzeigt sein. Va wirklich vieln. Mir hobn ins entschiedn a Crowdfunding-Kampagne iber die Plattform Kickstarter za mochn.

Innerholb va lei 30 Tog hobn mr an unglaublichs Ergebnis erzielt: 509 Unterstitzr hobn gonze 69.802 € gspendet, domit mir aus inserm Studentenprojekt a Unternemmen mochen gekennt hobn.

2018 bis heit

Investment in die Zukunft

Mitm erzieltn Kapital hobn mr kennen die entstondenen Kostn aus dr Produktentwicklung ausgleichn und in Produktion mit inserm erstn 'Airpaq' Modell gain. Jedn weitrn Gewinn hobn mr ernuit in inser jungs Unternemmen investiert.

Seither hot sich viel getun: Es sein weitere Rucksock-Modelle dozuakemmen, Bauchtaschln Turnbeitl und mehrare Accessoires.

Erfohr no meahr iber insere Mission, Ressourcen und Produktion